Lexoni edhe:
Limaj reagon pas fjalimit të Simmons: Është alarmante – A thua edhe sa njerëz mbahen në burgje padrejtësisht?
Dyshimet për helmim të qytetarëve në Deçan, reagon Zemaj
Ish-ministri i Shëndetësisë Armend Zemaj ka reaguar pas dyshimeve se qindra qytetarë të Deçanit janë helmuar nga uji i pijes. Nëpërmjet Facebookut, Zemaj ka kërkuar hetimin e rastit.
“Shpreh shqetësimin e thellë për numrin e madh të qytetarëve të disa fshatrave të komunës së Deçanit lidhur me dyshimet për infektimin me ujin e pijes”, shkroi Zemaj në Facebook.
“Shëndeti publik i qytetarëve nuk guxon të rrezikohet, aq më pak, të kalojë pa analizë të plotë të shkaqeve dhe pasojave”, shtoi ai.
Shkrimi i plotë i Zemajt:
Shpreh shqetësimin e thellë për numrin e madh të qytetarëve të disa fshatrave të komunës së Deçanit lidhur me dyshimet për infektimin me ujin e pijes.
Shëndeti publik i qytetarëve nuk guxon të rrezikohet, aq më pak, të kalojë pa analizë të plotë të shkaqeve dhe pasojave.
Të gjithë të prekurve ju uroj shërim të plotë!
Instituti Kombëtar i Shëndetësisë Publike të Koosvës nëpërmjet një konference për media ditën e sotme ka dhënë detaje për rastin.
Drejtori Naser Ramadani deklaroi se në bashkëpunim me ministrinë nga mostrat e marra kanë nxjerrë rezultatet e dyta laboratorike, të cilat nuk konstatojnë se uji që vinte nga ujësjellësi rajonal i Deçanit nuk është i kontaminuar.
(Kosova Sot Online)
