Lexoni edhe:
Qytetarja i drejtohet Mytaher Haskukës: Nuk kemi ujë të pijshëm qe 1 javë
Të shtunën dihet nëse Lutfi Haziri do të jetë kandidat për kryetar të Gjilanit
Kryetari aktual i Komunës së Gjilanit, Lutfi Haziri e ka “thumbuar”, Lëvizjen Vetëvendosje, lidhur me kandidaturën për kryetar të kësaj komune. Haziri sot në një prononcim për mediat lokale, tha se respekton kandidaturat e cilësdo parti, por se theksoi se LDK-ja do ta fitojë këtë komunë.
Teksa u pyet për kandidaturën e Alban Hysenit të VV-së për Gjilanin, Haziri tha se është mirë kur vijnë kandidatura nga ulëset e Kuvendit të Kosovës.
“Respektojë çdo kandidaturë. Çdo emër i përveçëm që vjen nga partitë politike vjen me besimin e partisë së vet, komunitet, aq më shumë kur vijnë njerëz nga banka e Kuvendit, përfaqësojnë një lloj legjitimitetit. Ne i respektojmë ata por kur vjen puna për Gjilan shihet se kush fiton”, ka thënë ai për median lokale Gazeta Enigma.
Për sa i përket rikandidmit të tij për kryetar të Gjilanit, Haziri theksoi se të shtunën do të qartësohet nëse do të jetë ai kandidat apo jo.
“Unë jam në pozitën e njëjtë dhe qëndrojnë në pozitën e njëjtë politike natyrisht që Gjilani dhe në Gjilan do të ketë kandidatura. Njerëzit do të kenë të drejtën me zgjedh kryetarin në mandatin e ardhshëm. Sab i përket LDK-së dhe meje si kryetar në detyrë gjithçka do të qartësohet të shtunën në mesditë sepse Konventa kulmon atë ditë, jemi duke biseduar me njerëz, ekspert të lëmive, me njerëz që e përfaqësojnë ekonominë, veteranët e arsimit dhe çdo kë që çon peshë që në mënyrë që me ndërtu një objektiv dhe një qasje për të ndërtuar një objektiv për një mandat të ri”, ka thënë ai.
Lidhja Demokratike e Kosovës, tashmë ka bërë zyrtarizmin e disa kandidaturave në qytete të ndryshme të Kosovës.
(Kosova Sot Online)
