Lexoni edhe:
Helmimi në Deçan, një 13-vjeçare niset me urgjencë në Spitalin e Pejës
Një kameraman vdiq, 4 televizione e ndërpresin transmetimin si protestë
Katër televizione në Gjeorgji e ndërprenë transmetimin të mërkurën në shenjë proteste për vdekjen e një kameramani që u rrah gjatë dhunës kundër aktivistëve të LGBT-së dhe e kërkuan dorëheqjen e kryeministrit.
Qindra njerëz dolën në rrugët e kryeqytetit Tblilisi në ish-republikën sovjetike për të kërkuar dënim për personat përgjegjës për vdekjen e kameramanit Aleksander Lashkarava.
Ai u gjet u vdekur në shtëpinë e tij nga nëna e vet pas lëndimit, kur grupet që e kundërshtuan marshin e planifikuar të LGBT-së u futën me dhunë në zyrën e këtij komunitetit. Marshi u anulua për shkak të dhunës.
TV Pireli ishte një nga katër kanalet televizive që e ndërpreu transmetimin dhe i shfaqi në ekran emrat e gazetarëve të lënduar në ditën e sulmit ndaj zyrës së LGBT-së.
Ky televizion, Mtavari Arkhi, Formula dhe Kavkasia bënë thirrje për dorëheqjen e Kryeministrit Irakli Garibashvili dhe dënimin e personave përgjegjës.
Aktivistët për të drejtat e njeriut i kanë akuzuar autoritetet gjeorgjiane për inkurajimin e grupeve të urrejtjes dhe dështim për t’i mbrojtur gazetarët dhe përkrahësit e të drejtave të komunitetit LGBT.
Ministria e Brendshme e Gjeorgjisë ka thënë se është duke e hetuar vdekjen e kameramanit, por nuk ka përmendur ndonjë shkaktar të vdekjes.
(Kosova Sot Online)
