Zgjerohet aksioni, Njësia Speciale e Policisë së Kosovës futet edhe në komunën e Istogut

  • G.G /
  • 15 korrik 2021 - 11:07
Zgjerohet aksioni, Njësia Speciale e Policisë së Kosovës futet edhe në komunën e Istogut

Prokuroria së bashku me Njësinë Speciale të Policisë së Kosovës ka nisur një aksion në Komunën e Istogut.

Këtë e ka konfirmuar për Express nënkryetari i kësaj komune, Agim Ademaj.

Ai ka thënë se njësia speciale ka hyrë në këtë komunë rreth orës 10:00 dhe se për këtë i kanë konfirmuar paraprakisht.

Ademaj i pyetur se nëse ky hetim po bëhet për shkak të ndonjë keqpërdorimi, është shprehur se nuk ka informacione për këtë dhe se policia po kryen punët e saja.

“Po njësia speciale është në komunë dhe është duke i kryer punët e veta. Ata kanë hyrë në komunë rreth orës 10:00. Neve na kanë informuar mëherët për këtë”, ka deklaruar ai.

Njësia speciale e policisë raportohet se po kryen aksione edhe në komunat tjera.

Kosova Sot Online do të ju mbajë edhe më tej të informuar.

(Kosova Sot Online)