Pamje nga ajri të vërshimeve katastrofike në Gjermani

Të paktën 20 persona kanë vdekur dhe për dhjetëra të tjerë nuk dihet ende asgjë, pas vërshimeve në perëndim të Gjermanisë, të cilat kanë dëmtuar dhjetëra shtëpi, kanë thënë autoritetet lokale më 15 korrik, transmeton dpa.

Shirat e rrëmbyeshëm në perëndim të Gjermanisë kanë shkaktuar dëme në prona, mbyllje të autostradave dhe evakuime brenda natës.

Vdekjet janë raportuar në rajonin Ahrweiler, rajon i njohur për prodhim të verës në landin Rhineland-Palatinate.

Një numër i madh i shtëpive në qytezën Schuld në Ahrweiler janë jostabile dhe në rrezik të rrëzimit, ka thënë policia.

Landi tjetër North Rhine Westphalia, është goditur po ashtu rëndë nga shiu, i nxitur nga moti me presion të ulët në Gjermani.

https://www.facebook.com/evropaelire/posts/10159668727407249

Dy zjarrfikës kanë vdekur gjatë operacionit në landin North Rhine Westphalia.

Një 46-vjeçar ka vdekur pasi ka rënë në ujë, teksa ka tentuar të shpëtojë një burrë, ndërsa një 52-vjeçar ka vdekur gjatë operacionit dhe përballjes me stuhi, ka thënë policia.

(Kosova Sot Online)