Ish-ministri serb: Suksesi i dialogut në Bruksel varet nga pala e Prishtinës

Deputeti i SNS-së nga Kosova në Kuvendin e Serbisë, Ljubomir Mariq tha se suksesi i dialogut midis Prishtinës dhe Beogradit në Bruksel varet më së shumti nga përfaqësuesit politikë shqiptarë, të cilët sipas tij duhet “t’i lënë temat e përditshme politike, të ndryshojnë retorikë dhe kuptoni atë të ardhme në jetën e përbashkët, shkëmbimin ekonomik, lirinë e lëvizjes së mallrave dhe njerëzve “.

Mariq i cili dikur shërbente si ministër i Administrimit të Pushtetit Lokal në Kosovë theksoi në TV Vesti se “pas takimit të parë midis Kurtit dhe Vuçiqit në Bruksel, pasuan deklaratat negative nga pala shqiptare, duke theksuar pyetjen se kur Serbia do ta njohë pavarësinë e Kosovës”.

Ai shtoi se është e vështirë të parashikohet diçka, por që siç tha ai “Serbia ka treguar se është për dialog, sepse është shumë i rëndësishëm, në mënyrë që përndryshe ata të mos kenë konflikte në terren”.

Sipas Mariqit, retorika e ashpër e kryeministrit aktual të Kosovës dhe zyrtarëve të Prishtinës është e lidhur me fushatën për zgjedhjet lokale të planifikuara për 17 tetor.

(Kosova Sot Online)