Ministria e Shëndetësisë tregon se sa është numri i përgjithshëm i të vaksinuarve në Kosovë
Ministria e Shëndetësisë ka filluar t’i publikoj të dhënat e përgjithshme të personave që janë vaksinuar kundër COVID-19 në Kosovë.
Nga kjo ministri në shifrën e përgjithshme të të vaksinuarve deri tani kanë përfshirë edhe personat që janë vaksinuar me dozën e dytë.
Express dje ka raportuar se numri i përgjithshëm i të vaksinuarve është shumë i vogël se që paraqitet në statistikat e përgjithshme të kësaj ministrie.
Ndërsa, MSH sot ka publikuar statistikat e përgjithshme të personave që janë vaksinuar në Kosovë.
Nga kjo ministri kanë bërë të ditur se 128 mijë e 69 persona janë vaksinuar deri tani vetëm me dozën e parë të vaksinës në Kosovë.
Sipas MSH’së, 88 mijë e 961 persona kanë marrë edhe dozën e dytë të vaksinës.
“Në 24 orët e fundit janë dhënë 11.546 doza të vaksinës kundër COVID-19. Prej fillimit të vaksinimit në të gjitha qytetet e Kosovës janë dhënë 305.991 doza të vaksinës. Deri më sot 88.961 qytetarë janë vaksinuar me dozën e dytë”, është thënë nga kjo ministri.
Kujtojmë që ndonëse tashmë që një muaj ka filluar realizimi i planit për vaksinim në masë, numër i vogël i qytetarëve kanë arritur të vaksinohen kundër COVID-19.
Deputetë të opozitës kanë kritikuar Ministrinë e Shëndetësisë për procesin e ngadalë të vaksinimit.
(Kosova Sot Online)