Vdes ish-asamblistja e PDK-së në Gjilan, dyshohet se ra nga ballkoni i banesës

G.G /
21 July 2021 - 13:23

Media raportoi sot për një ngjarje të rëndë në Gjilan, ku një femër i dha fund jetës së saj duke rënë nga kati i pestë i banesës. Viktima është Arzie Nuhiu, 44-vjeçare, ish-asambliste e PDK-së në Gjilan.

Vdekjen e saj Policia e ka cilësuar të dyshimtë dhe kanë filluar hetimet.

Nga Policia kanë dhënë detaje për ngjarjen tragjike që ndodhi në orët e para të mëngjesit të ditës së sotme, në lagjen Bojanina të Gjilanit.

“Sot me 21 korrik 21 rreth orës 03:50 të mëngjezit, Policia e Kosovës në Gjilan ka pranuar informatën se në rrugën “Raif Halimi “, në pjesën e pasme të njërës nga ndërtesat në këtë rrugë është vërejt një trup i personit të gjinisë femërore.

Njësitet policore nga stacioni policor i Gjilanit me urgjencë kanë dalë në vendin e ngjarjes.

Më pas nga familjarët është identifikuar se bëhet fjalë për A. N. (1977) femër shtetase e Kosovës, që ishte duke banu në katin e pestë të ndërtesës në këtë rrugë.

Dyshimet fillestare janë se e njëjta ka rënë nga ballkoni i banesës së saj ku ishte duke jetuar.

Në vendngjarje ka prezantuar shërbimi Emergjent (ndihma e parë ) ku nga mjeku kujdestar i kësaj njësie është konstatuar vdekja .

Në vendngjarje ka prezantuar prokurori i shtetit për “Krime të Rënda”, njësitet e hetimeve dhe forenzikës rajonale .

Prokurorin i shtetit ka urdhëruar që trupi i pajetë dërgohet në Institutin e Mjekësisë Ligjore – Prishtinë.

Rrethanat dhe motivet se si ka ndodhë ky rast i rëndë ende nuk dihen.

Rasti për momentin është cilsuar si “Vdekje e dyshjmt” dhe hetimet e mëtejme janë duke i udhëheq Policia e Kosovës njësitet e hetimeve Rajonale në kordinim me Prokurorin e shtetit.”