Lexoni edhe:
Krimi i organizuar po e infekton me korrupsion edhe ushqimin e Ushtrisë së Kosovës
Të burgosurit marrin peng rojat e burgut, kërkojnë pica për shokët dhe helikopter
Dy roja burgu në Suedi u mbajtën peng për nëntë orë të mërkurën nga dy të burgosur, të cilët kërkuan pica si haraç. Rojat u liruan kur picat arritën në qelinë e të burgosurve.
Zëdhënësja Stina Lyles i tha agjencisë AFP se asnjëri nga rojat e burgut nuk është lënduar dhe të dy janë kthyer në mënyrë të sigurt në familjet e tyre.
Të burgosurit e përfshirë në këtë incident janë të dënuar për vrasje dhe po e vuajnë dënimin në burgun e sigurisë së lartë, Hallby, afër qytezës Eskilstuna.
Ata arritën që të futen në një zonë të caktuar vetëm për rojat rreth orës 12 e 30 minuta të së mërkurës, tha një zyrtar tjetër i burgjeve, Torkel Omnell.
“Ne shpejt dërguam një ndërmjetës dhe e thirrëm policinë”, tha ky zyrtar.
Sipas raportimeve të medieve suedeze, dy të burgosurit pengmarrës i patën dy kërkesa: një helikopter për t’u arratisur dhe 20 pica për të burgosurit e tjerë.
Zëdhënësja e shërbimit korrektues tha se picat u dërguan në burg, por dy të burgosurit u kapën dhe u dërguan në një stacion policor për t’u marrë në pyetje për rrëmbim.
(Kosova Sot Online)
