Lexoni edhe:
Asnjë i vdekur, 19 raste të reja me COVID-19 në Kosovë
Rekord i vaksinimeve: Mbi 19 mijë doza janë dhënë gjatë 24 orëve të fundit në Kosovë
Ministria e Shëndetësisë në përditësimin e të dhënave të fundit rreth situatës me COVID-19, ka bërë të ditur se në 24 orët e fundit është shënuar rekord i qytetarëve të vaksinuar me vaksinën anti-COVID.
Në njoftimin e MSH-së bëhet e ditur se gjatë 24 orëve të fundit janë vaksinuar 19 mijë e 609 qytetarë.
Numri i të vaksinuarve deri më tani në vend ka shikuar në 343 mijë e 330, ndërkaq 102 mijë e 210 qytetarë janë vaksinuar me dozën e dytë.
“Në 24 orët e fundit janë dhënë 19.609 doza të vaksinës kundër COVID-19. Prej fillimit të vaksinimit në të gjitha qytetet e Kosovës janë dhënë 343.330 doza të vaksinës. Deri më sot 102.210 qytetarë janë vaksinuar me dozën e dytë”, thuhet në njoftimin e MSs-së.
Ndryshe, edhe Kryeministri i Kosovës, Albin Kurti, sot ka apeluar te qytetarët ta marrin vaksinën kundër COVID-19.
Përmes një postimi në llogarinë e tij në Facebook, Kurti ka thënë se Kosova është vendi i vetëm në rajon që po përdorë vetëm vaksinat e aprovuara nga Agjencia Federale e Barnave të Shteteve të Bashkuara të Amerikës dhe Agjencia Evropiane e Barnave.
Ai ua ka rikujtuar qytetarëve se mund të zgjedhin vaksinën që dëshirojnë ta marrin.
“Ju bëj thirrje që të caktoni terminet për vaksinim në platformën https://ekosova.rks-gov.net ose në Qendrat Kryesore të Mjekësisë Familjare në komunat tuaja.
Me kujtimin për të dashurit që humbëm nga pandemia, të kujdesemi për veten dhe njerëzit tonë të afërm duke u vaksinuar. Të përgjegjshëm individualisht dhe për njëri-tjetrin, bashkë ia dalim!”, ka shkruar Kurti.
(Kosova Sot Online)
