Lexoni edhe:
Petkoviq: Kosova na ndaloi dy autobusë në Jarinjë, e njoftova edhe Lajçakun
Ilir Ferati, kandidat i LDK-së për kryetar të Istogut
Lidhja Demokratike e Kosovës ka mbajtur sot mbledhjen e Kryesisë, në të cilën janë zyrtarizuar disa prej kandidatëve për zgjedhjet komunale të 17 tetorit.
Media mëson se në këtë mbledhje, kryesia e LDK-së ka marrë vendim që Ilir Ferati të jetë kandidat për kryetar të Komunës së Istogut.
Ferati është anëtar i Kryesisë së LDK-së, ndërkaq ai ka qenë deputet i Kuvendit të Kosovës në legjislaturën e kaluar.
Ai është djali i ish-kryetarit shumëvjeçar të Komunës së Istogut, Fadil Ferati, i cili vdiq në vitin 2010.
LDK-ja ka vendosur që në Ferizaj ta kandidojë për kryetare të Komunës sociologen Sibel Halimi.
Pas mbledhjes së kryesisë së LDK-së, pritet të zyrtarizohen edhe kandidaturat tjera për zgjedhjet komunale të 17 tetorit.
(Kosova Sot Online)
