Abrashi e pranon se në Kuvend deputetët bëjnë gjeste të pahijshme kur dikush merr fjalën

  • A.P /
  • 27 korrik 2021 - 00:00
Abrashi e pranon se në Kuvend deputetët bëjnë gjeste të pahijshme kur dikush merr fjalën

Deputeti i VV-së, Artan Abrashi, ka pranuar se sjellja e deputetëve në Kuvendin e Kosovës lë shumë për të dëshiruar.

Para disa ditëve, deputeti Behgjet Pacolli u detyrua që të ndërprejë fjalën pasi që deputetët tjerë nuk po e lejonin që të fliste. E Abrashi ka thënë se deputetët e të gjitha partive bëjnë këso sjellje dhe ka shtuar se këto janë sjellje të nxënësve në shkolla fillore.

“Kur jam futur në fillim kur i kam parë deputetët si reagojnë kur dikush flasin nuk mund ta paramendosh as në një shkollë fillore. Nuk e kemi sjellë ne por e kemi gjetur aty. Është si ligj i pashkruar aty. E sheh kur dikush del se cfarë gjesteve degraduese ndodhin kur dikush merr fjalën që dikush të ndikojë në fjalimin e dikujt që të degradojë pastaj. VV nuk ka këso praktike. Por ka ndodhur që ndonjë herë dikush të mbajë fjalim dhe të dalë shumë nga tema e pastaj të kemi reagime. Por për vete nuk do të dëshiroja asnjëherë të ndodhë kjo”, ka thënë ai. 

(Kosova Sot Online)