Pesë të zhdukur nga shpërthimi i fuqishëm në Gjermani
Pesë persona janë zhdukur dhe disa të tjerë janë lënduar në një shpërthim që ndodhi në zonën industriale të qytetit perëndimor gjerman, Leverkusen.
Shpërthimi ndodhi në orën 9 e 40 minuta, duke shkaktuar zjarr në një depo të parkut industrial “Chempark”, ku ndodhen kompani të njohura të kimikateve si “Bayer”.
Operatori i kësaj zone, Currenta, tha se disa pjesëtarë të stafit janë lënduar, së paku dy prej tyre më seriozisht, ndërsa pesë persona janë zhdukur. Raportohet se shkaktari i shpërthimit ende nuk dihet.
Agjencia gjermane e mbrojtjes civile i paralajmëroi banorët e zonës për rrezik ekstrem dhe policia kërkoi që banorët të qëndrojnë brenda shtëpive e banesave dhe t’i mbajnë mbyllur dyert e dritaret.
E përditshmja gjermane, “Koelner Stadt-Anzeiger”, raportoi se shpërthimi ndodhi në lagjen Buerring në një impiant për përpunimin e mbeturinave.
Huge blast at Leverkusen Germany. Reportedly an explosion at Bayer. pic.twitter.com/OymipKZW4d
— The Entertainer (De Goede Volger) (@haverkamp_wiebe) July 27, 2021
(Kosova Sot Online)