Lexoni edhe:
Qytetarët e Kosovës në referendumin e dytë popullor në 17 tetor, me themel për ta pastruar kastën politike të korruptuar
MSH dhe Agjencia Ndërkombëtare Japoneze nënshkruajnë memorandum për grantin 1.3 milion euro për shtretër spitalor
Në Ministrinë e Shëndetësisë është nënshkruar sot Memorandumi i mirëkuptimit për projektin e zhvillimit të kapaciteteve në institucionet spitalore të Republikës së Kosovës që do të financohet nga Agjencia Ndërkombëtare Japoneze për Bashkëpunim (JICA).
Ministria e Shëndetësisë, përkatësisht Shërbimi Spitalor dhe Klinik Universitar i Kosovës do të jetë përfituese e grantit të JICA në vlerë prej 1.3 milion euro për të siguruar shtretër spitalor për spitalet e përgjithshme dhe klinikat e QKUK-së.
Në emër të Ministrisë së Shëndetësisë, marrëveshja është nënshkruar nga Sekretari i Përgjithshëm, Naim Bardiqi dhe nga JICA, Udhëheqësi i Zyrës për Ballkan, z. Jiro Takeichi.
Sekretari Bardiqi shprehu mirënjohjen e thellë për mbështetjen e vazhdueshme të Qeverisë së Japonisë për sektorin shëndetësor dhe se pajisjet që sigurohen përmes grantit do të ngrisin cilësinë e shërbimeve spitalore dhe lehtësojnë punën e personelit shëndetësor.
(Kosova Sot Online)
