Ky shtet heq karantinën për amerikanët dhe europianët e vaksinuar

  • A.P /
  • 28 korrik 2021 - 19:55
Ky shtet heq karantinën për amerikanët dhe europianët e vaksinuar

Anglia zbut kufizimet për personat nga Bashkimi Europian dhe Shtetet e Bashkuara të Amerikës. Nga java e ardhshme do të lejojë të gjithë vizitorët nga këto vende, të cilët janë vaksinuar plotësisht, që të udhëtojnë pa detyrimin e karantinës.

Konfirmimi ka ardhur nga Ministria britanike e Transportit, që po tenton t’i japë një shtysë të madhe dhe shumëpritur kompanive ajrore dhe atyre të udhëtimeve.

 

Ky vendim pritet që të ndiqet edhe nga pjesa tjetër e Mbretërisë së Bashkuar.

Megjithatë, udhëtarët duhet të kryejnë një test për Covid-19 para dhe pas mbërritjes në Angli.

Më herët, si pjesë e zbutjes së kufizimeve, qeveria hoqi detyrimin e karantinës për britanikët që ktheheshin nga vende me rrezikshmëri të mesme, kategori në të cilën bën pjesë dhe Shqipëria.

(Kosova Sot Online)