Lexoni edhe:
Kurti takohet me ambasadorin jorezident të Irlandës, flasin për liberalizimin e vizave për kosovarët
Në takimin e tre liderëve të rajonit nuk mori pjesë kryeministri i Kosovës, Albin Kurti i cili në vazhdimësi ka kundërshtuar këtë nismë.
Tre Liderët e Ballkanit Perëndimor kësaj radhë u bënë bashkë në Maqedoni të Veriut.
Kryeministri i kësaj të fundit, Zoran Zaev, presidenti serb Aleksander Vucic dhe kryeministri shqiptar Edi Rama bënë përpjekjen e radhës për të çuar përpara iniciativën e Shengenit Ballkanik.
Kështu nisma e “mini-Shengenit” e mori emrin e ri ‘Ballkani i hapur”.
Me emërtimin e ri, janë pajtuar tre ideatorët e kësaj nisme.
Të tre këta, lehtësisht u morën vesh për të vënë nënshkrime në marrëveshje të caktuara.
Zaev, Rama dhe Vuçiq, në kuadër të forumit nënshkruan dy memorandume dhe një marrëveshje ndërshtetërore, që ka për qëllim lehtësimin e lëvizjes së njerëzve dhe mallrave me qëllim të forcimit të mëtejmë të bashkëpunimit ekonomik.
Por në takimin e tre liderëve të rajonit nuk mori pjesë kryeministri i Kosovës, Albin Kurti i cili në vazhdimësi ka kundërshtuar këtë nismë.
Megjithatë nga Shkupi, mesazhe në drejtim të shefit të ekzekutivit, Kurti ka dërguar homologu i tij shqiptar, Edi Rama.
Këtë iniciativë si Kosova kategorikisht e refuzuan, edhe Mali i Zi e Bosnjë-Hercegovina, edhe për këto vende Rama pati fjalë.
Apel për t’iu bashkuar nismës ka bërë edhe kryeministri maqedonas.
Ndërsa presidenti serb, tha se së shpejti qytetarët e këtyre tri shteteve do të mund të lëvizin pa i ndalë askush që nga Beogradi në Tiranë dhe anasjelltas.
E nga Qeveria e Kosovës edhe të enjten përsëritënq qëndrimin e njëjtë për këtë iniciativë.
Ideja e “mini-Shengenit” ballkanik, u prezantua në Novi Sad të Serbisë më 10 tetor të vitit 2019, nga liderët e Serbisë, Maqedonisë së Veriut dhe Shqipërisë.
(Kosova Sot Online)