Cili është vendi që prodhon më shumë birrë në BE?

  • E.K /
  • 06 August 2021 - 09:45
 Cili është vendi që prodhon më shumë birrë në BE?

Vitin e kaluar, rreth 32 miliardë litra birrë që përmbanin alkool janë prodhuar në Bashkimin Evropian tregojnë të dhënat e fundit të publikuara nga Eurostat. Thënë ndryshe në vitin 2020, vendet e BE kanë prodhuar 74 litra birrë për çdo banor.

Nga ana tjetër në 2020, vendet e BE prodhuan 1.4 miliardë litra alkool që përmbanin më pak se 05% alkool ose aspak alkool.

Krahasuar me 2019, prodhimi i birrës me alkool ka pasur një rënie me 8% kurse prodhimi për birrat jo alkoolike mbetet e pandryshuar.

Gjermania mbetet prodhuesja kryesore me 7.5 miliardë litra ose 24% e totalit të prodhimit në BE. Thënë ndryshe 1 në 4 birra e prodhuar në BE e ka origjinën nga Gjermania.

E dyta është Polonia me 3.8 miliardë litra birrë ose 12% e totalit të prodhimit në BE. Më pas vjen Spanja me 3.3 miliardë litra, Holanda me 2.5 miliardë litra, Franca me 2.1, Çekia me 1.8 dhe Rumania me 1.7 miliardë litra birrë të prodhuara.

Sa i takon eksportit, Franca është në kryer me 0.8 miliardë litra birrë dhe në vend të dytë Gjermania me 0.7 miliardë litra. Më pas vjen Italia me 0.6 miliardë litra, Holanda me 06 dhe Spanja me 05 miliardë litra të eksportuara.

Ndërkohë sa i takon importimit nga jashtë BE-së, vendet anëtare të unionin parapëlqejnë birrën nga Mbretëria e Bashkuar pasi gjatë vitit 2020 kanë importuar 268 milionë litra. Në vend të dytë është Meksika me 95 milionë litra birrë të importuara nga vendet e BE.

(Kosova Sot Online)