Lexoni edhe:
Ngjarje shqiptare: Nusja futet gjatë natës në shtëpinë e ish- vjehrrës dhe e bën për spital
Kushdo që pa autorizim përgjon deklaratën e personit tjetër, dënohet me kaq vite burg në Kosovë
Sipas Kodit Penal të Republikës së Kosovës, kushdo që pa autorizim përgjon bisedën e dikujt, dënohet me burgim nga 1 deri në 3 vjet
Në Kosovë ka raste kur qytetarët e thjeshtë por edhe zyrtarët e shtetit, ‘përgjohen’ nga persona të ndryshëm dhe shpesh biseda që bëhet me ta incizohet.
Mirëpo diçka e tillë është e ndaluar me Kodin Nr. 06/L-074 Penal të Republikës së Kosovës.
Neni 201 i këtij Ligji saktëson se çfarë ndodh me një person nëse bën përgjime të paautorizuara.
Pika 1 e këtij neni thotë se kushdo që pa autorizim, përgjon bisedën apo deklaratën ose i mundëson personit tjetër të jetë në dijeni për bisedën apo deklaratën e cila është përgjuar pa autorizim, dënohet me burgim prej një (1) deri në tre (3) vjet.
Pika 2 thotë e kur vepra penale nga paragrafi 1. i këtij neni kryhet nga personi zyrtar në keqpërdorim të pozitës apo autorizimeve të tij, kryesi dënohet me burgim prej dy (2) vjet deri në pesë (5) vjet.
Ndërsa pika e fundit dhe e tretë e këtij neni thotë se pajisjet e përdorura për kryerjen e veprës penale nga paragrafi 1. i këtij neni konfiskohen.
Përgjimet sipas ligjeve në Kosovë, gjithmonë duhet të kryhen me urdhër të Gjykatës.
(Kosova Sot Online)
