Lexoni edhe:
Merkel shkon në Moskë në kohën e raporteve të tensionuara
Ndërpritet energjia elektrike në sallën “Rexhai Surroi” ku po bëhet vaksinimi i qytetarëve
KEDS-i ka njoftuar se është ndërprerë energjia elektrike në sallën “Rexhai Surroi” në Prizren, ku po bëhet vaksinimi i qytetarëve.
Zëdhënësi i KEDS-it, Viktor Buzhala, ka shkruar se energjia është ndalur pasi kabllot nëntokësore janë dëmtuar nga një kontraktor i Komunës së Prizrenit.
“Ekipet e KEDS-it kanë dalë menjëherë në vendin e ngjarjes, e kanë hapur gropën dhe janë duke e sanuar problemin. KEDS kërkon nga të gjitha palët punëkryese të jenë më të përgjegjshëm, të marrin hartat paraprakisht të shtrirjes së rrjetit nëntokësor aty ku intervenojnë në infrastrukturë, sidomos në qytete, pasi kjo po afekton qytetarët. Paraqitja e rasteve të tilla është e papranueshme, pasi nga veprimet e atyre kontraktorëve është penguar direkt procesi i vaksinimit të popullatës, që është jetik në këto ditë. KEDS kërkon nga të gjitha institucionet që të bëjnë mbikëqyrje më të rreptë të kontraktorëve të tyre në mënyrë që këto raste të mos ndodhin më. Energjia elektrike do t’i kthehet qendrës në kohën më të shkurtër të mundshme”, thuhet në njoftim.
(Kosova Sot Online)
