Lexoni edhe:
Reuters: SHBA ka biseduar me Kosovën për strehimin e afganëve
Hoxhaj pas vdekjes së Ramush Tahirit: Ngushëllime vendit për humbjen e një njeriu të papërsëritshëm
Ish-ministri i jashtëm, tani deputet i PDK-së, Enver Hoxhaj ka ngushëlluar për vdekjen politikologut Ramush Tahiri.
Hoxhaj, përmes një statusi në Facebook, ka thënë se vdekja e Ramush Tahirit do të lë një boshllëk të madh të mikut plot virtyte dhe të aktivistit shumëvjeçar në shërbim të vendit.
“Në tre dekadat e fundit, ai ka dhënë një kontribut shumë të madh për lirinë, pavarësinë dhe zhvillimin e demokracisë në Kosovë.”, ka shkruar Hoxhaj.
Tutje, ai ka shkruar se në periudhat më të rëndësishme të zhvillimit të vendit, Ramush Tahiri ishte gjithmonë ai zëri i arsyes dhe ai mendim i balancuar politik që aq shumë i duhej Kosovës.
Statusi i plotë:
Ditë e pikëlluar sot. Vdekja e Ramush Tahirit do të lë një boshllëk të madh të mikut plot virtyte dhe të aktivistit shumëvjeçar në shërbim të vendit.
Në tre dekadat e fundit, ai ka dhënë një kontribut shumë të madh për lirinë, pavarësinë dhe zhvillimin e demokracisë në Kosovë.
Me Ramushin kemi punuar në Ministrinë e Punëve të Jashtme në një përiudhë të rëndësishme të shtetndërtimit.
Në periudhat më të rëndësishme të zhvillimit të vendit, Ramush Tahiri ishte gjithmonë ai zëri i arsyes dhe ai mendim i balancuar politik që aq shumë na duhej.
Ngushëllime familjes për humbjen e njeriut të dashur! Ngushëllime miqve për humbjen e mikut me virtyte të rralla dhe ngushëllime vendit për humbjen e një njeriu të papërsëritshëm!
Pusho në paqe miku im!
(Kosova Sot Online)
