Lexoni edhe:
Vdes nga COVID-19 një person i vaksinuar
Tërmkolli: Nuk i thuhet ShBA-së prit të shohim, i thuhet shkurt po
Ish-deputetja e Kuvendit të Kosovës, Melihate Tërmkolli, ka reaguar pas përgjigjes së Qeverisë së Kosovës, se po komunikojnë me autoritetet amerikane për strehimin e afganëve. Sipas saj, nuk i thuhet ShBA-së prit të shohim, por i thuhet po.
Këtë reagim Tërmkolli e ka bërë në profilin e saj në Facebook.
“Nuk i thuhet SHBA-ve ” prit të shohim”, në momentin kur kanë nevojë për ty. I thuhet shkurt e qartë Po!”, ka shkruar ajo në FB.
Qeveria e Kosovës është në komunikim me autoritetet amerikane për të strehuar afganët që kanë punuar me forcat amerikane në Afganistan, ka konfirmuar qeveria.
Qeveria thotë se për këtë çështje janë në komunikim me ShBA-në që nga mesi i muajit korrik, duke theksuar se ShBA mbetet aleati kryesor i shtetit tonë.
“Që nga mesi i korrikut jemi në komunikim dhe bashkëpunim të vazhdueshëm me autoritetet shtetërore dhe ushtarake amerikane për këtë çështje të dhimbshme e të ndjeshme. Ka shumë punë logjistike e teknike, të sigurisë dhe sociale, që po i trajtojmë me kujdes. ShBA-të janë aleati ynë kryesor dhe partneri ynë strategjik. Gjithçka do të përmbyllet mirë”, ka konfirmuar për Gazetën Express, Luan Dalipi, shef i stafit të Kryeministrit Albin Kurti.
(Kosova Sot Online)
