Lexoni edhe:
Largimi i Dardan Nuhiut, një fillim i betejës së vështirë të pastrimit prej satelitëve të instaluar nga Thaçi, Veseli dhe Reqica
Shkoi për pushime në Afganistan, studenti britanik rrëfen se si u ndal nga talebanët
Një shtetas britanik ka thënë se është bllokuar në një strehë të Kombeve të Bashkuara në Afganistan, por ndihet i braktisur pasi vendi ka rënë në duart e talibanëve.
Miles Routlege, 21 vjeç, nga Birmingham mendoi se do të ishte e sigurt për ta vizituar sepse vendi nuk do të binte në duart e tyre për disa muaj.
Por pas situatës së krijuar, Miles, student në Universitetin Loughborough, tha se ai kishte telefonuar ambasadën britanike, por ndihet i injoruar.
Ai tha: “Isha plotësisht i përgatitur për vdekje, e pranova. Ky udhëtim ka qenë një provë e Zotit. Unë jam shumë fetar”.
“Para se të largohesha, i shkruva një letër miqve të mi duke thënë se nëse do të vdisja, të mos ndihesha fajtor sepse do të vdisja i lumtur, fetar dhe krenar”.
Miles, ambicia e të cilit është të vizitojë disa nga vendet më të rrezikshme në botë, thotë se ai u ndalua nga kryengritësit pranë aeroportit ndërkombëtar të Kabulit të cilët e pyetën se nga ishte.
Ai tha se u tha atyre ‘Uells’ sepse nuk donte të thoshte Angli dhe ata nuk e dinin se ku ishte kështu që e lanë të shkojë.
Para se ta merrnin pushtetin talibanët, ai ndau fotografi të tij në një treg lokal dhe me armë në atë që duket të jetë një pikë kontrolli sigurie.
Miles, i tha The Times se ai vendosi të bënte udhëtimin pasi kaloi verën duke punuar si praktikant për menaxhimin e pasurisë.
(Kosova Sot Online)
