Lexoni edhe:
Miftaraj: Kosova ia ka borxh ShBA-së strehimin e afganëve, s’janë rrezik për vendin
Johnson dhe Merkel bien dakord mbi nevojën për bashkëpunim global në Afganistan
Kryeministri britanik, Boris Johnson dhe kancelarja gjermane, Angela Merkel kanë rënë dakord mbi nevojën e bashkëpunimit global për Afganistanin, shkruan CNN
Gjatë një telefonate të realizuar sot në mëngjes, ata e panë si nevojë urgjente bashkëpunimin për të evakuuar shtetasit e huaj dhe të tjerët nga Afganistani.
“Ata ranë dakord se bashkëpunimi global ishte vendimtar, si për nevojën urgjente për të evakuuar shtetasit e huaj dhe të tjerët nga Afganistani, ashtu edhe për rëndësinë afatgjatë të parandalimit të një krize humanitare në vend dhe rajon,” tha një zëdhënës i Downing Street.
Johnson theksoi gjithashtu se “çdo qeveri e ardhshme talebane në Afganistan” duhet të pajtohet me standardet e përbashkëta ndërkombëtare të të drejtave të njeriut që mbahen nga bashkësia ndërkombëtare.
“Kryeministri përshkroi synimin e tij për të thirrur udhëheqësit e G7 për një takim virtual për të diskutuar këtë në rastin e parë,” shtoi zëdhënësi.
(Kosova Sot Online)
