Lexoni edhe:
Dalin pamjet e një personi që po tenton të fshihet nga policia, dyshohet se është Dardan Krivaqa
Fotografia e asaj kohe përshkruan vuajtjet dhe frikën e fëmijëve, të cilët po përjetonin luftën e masakrat serbe në Kosovë.
Vjollca Qerimi Hyseni ishte një vajzë e vogël 22 vjet më parë, kur fotografi i njohur kosovar Hazir Reka, e kapi në objektivin e tij, ndërkohë që në Kosovë ishte luftë. Fotografia e asaj kohe përshkruan vuajtjet dhe frikën e fëmijëve, të cilët po përjetonin luftën e masakrat serbe në Kosovë, përcjell Albinfo.ch.
E tani, 22 vjet më pas, Vjollca e ka gjetur fotografin me të cilin edhe është takuar. “Miq të dashur, doja me ta ndaja me ju këtë foto, që për mua është një kujtim i hidhur, po me pas kjo foto është një fat shumë i madh.
E falënderoj nga zemra fotografin Hazir Reka për kontributin e tij gjatë luftës, që mbas 22 viteve e kuptova që e kam një foto të tillë.
Po ashtu e falënderoj dajën tim Heset Quza, që ma bëri të mundur këtë takim.
Eh sa për foton nuk po flas hiç, se fotografia flet vetë se si një fëmijë e ka përjetuar luftën e si çdo person ka kontribuar në mënyrën e vet. Edhe një herë faleminderit shumë”, ka shkruar Qerimi.
(Kosova Sot Online)