I infektuari me koronavirus doli në restorant në Pejë, policia i shqipton gjobë mbi 500 euro

  • E.K /
  • 26 August 2021 - 14:27
 I infektuari me koronavirus doli në restorant në Pejë, policia i shqipton gjobë mbi 500 euro

Pas rritjes së rasteve të të prekurve me COVID-19 dhe masave të reja të ndërmarra nga Institucionet e vendit edhe Policia e Kosovës është aktive në realizimin dhe implementimin e këtyre masave.

Policia e Kosovës has në raste kur qytetaret e prekur nga Covid-19 nuk respektojnë Udhëzimet e IKSHP edhe pas konfirmimit se janë te prekur nga Virusi COVID-19.

Dje rreth orës 17:00, Policia e Stacionit Policor Pejë, është njoftuar se ne një Restorantin – lokal në lagjen e rajonit tre  në Vitomericë të Pejës, ka qëndruar  personi: B. H.  i cili ishte i prekur nga COVID-19.

“Te njëjtit nga ana e Policisë  i është shqiptuar fletë gjoba në shumë prej pesëqindë euro sipas dispozitave te Ligjit për parandalimin dhe luftimin e Pandemisë COVID-19”, njofton policia.

Policia e Kosovës me këtë rast apelon tek te gjithë qytetaret qe te respektojnë vendimet e Qeverisë dhe të IKSHP-së.

(Kosova Sot Online)