Lexoni edhe:
Nesër nis gjykimi ndaj Salih Mustafës në Gjykatën Speciale
Mjeku ndan dy binjaket që ishin të ngjtura në koka
Një mjek britanik ka realizuar me sukses një operacion shumë të ndërlikuar, duke i ndarë dy binjake izraelite, të cilat ishin të ngjitur në koka.
Dr. Noor Ul Oëase Jeelani, i lindur në Kashmir, vlerësohet si eksperti më i mirë për ndarjen e binjakëve të ngjitur. Ai kaloi gjashtë muaj duke punuar me një ekip izraelit për t’u dalë në ndihmë motrave të vogla.
Operacioni u krye në Qendrën Mjekësore Universitare “Soroka” në qytetin izraelit, Beersheba, dhe pritet që binjaket të kenë jetë normale tani e tutje, shkruan Daily Mail.
Mjeku që e udhëhoqi operacionin deklaroi: “Të gjithë fëmijët janë të njëjtë, pavarësisht ngjyrës apo fesë. Fëmija është fëmijë. Nga këndvështrimi i një mjeku, të gjithë jemi një”.
Ai shtoi se është përgatitur për rreth gjysmë viti për kryerjen e këtij operacioni. “Kemi qenë të përfshirë që nga fillimi, duke folur me ekipin në Izrael dhe duke e planifikuar ndërhyrjen me ta për një periudhë 6-mujore”, tha Jeelani.
Binjaket e lindura në gusht të vitit të kaluar ishin të ngjitura në koka, ndërsa fytyrat i kishin larg njëra-tjetrës, duke lënë të kuptohet se kurrë nuk kanë mundur ta shikojnë njëra-tjetrën.
Neurokirurgu Mickey Gideon tha: “Ky ishte operacion i rrallë dhe i ndërlikuar që është kryer vetëm 20 herë në botë e për herë të parë në Izrael. Për kënaqësinë tonë, gjithçka shkoi ashtu si kishim shpresuar.”
(Kosova Sot Online)
