Reagon Vuçiq pas paralajmërimit të Kurtit për vendosje të reciprocitetit

  • G.G /
  • 15 shtator 2021 - 10:59
Reagon Vuçiq pas paralajmërimit të Kurtit për vendosje të reciprocitetit

President serb Aleksander Vuçiq i ka reaguar kryeministrit të Kosovës, Albin Kurti pasi ky i fundit paralajmëroi vendosjen e reciprocitetit me Serbinë.

Vuçiq sot mori pjesë në një ngjarje ku u shpalosën armë dhe aparate ushtarake të Ministrisë së Punëve të Brendshme dhe të ushtrisë serbe.

Ai aty u pyet lidhur me paralajmërimin e kryeministrit të Kosovës, Albin Kurti lidhur me zbatimin e reciprocitetit me Serbinë.

Vuçiq u përgjigj se Kurti e ka të pamundur të ndikojë në lëvizje iracionale.

“Për të ndikuar në lëvizje iracionale është absolutisht e pamundur. S’mund të ndryshosh asgjë këtu”, tha Vuçiq.

Vuçiq sot do të takojë në Beograd përfaqësuesit e Listës Serbe.

(Kosova Sot Online)