Lexoni edhe:
Riparimi i dëmit kundër shtetit nga pazaret e Hashim Thaçit në dialog, barrë e rëndë
Ambasada e SHBA-së: Qeveria është duke i vazhduar bisedimet për t’u lidhur në tubacionin e gazit
Ambasada e Shteteve të Bashkuara të Amerikës në Prishtinë në një deklarim kanë sqaruar se diskutimet mes Qeverisë së Kosovës dhe MCC’së për çështjen e kyçjes në gazsjellës janë duke vazhduar dhe se mbetet të shihet nëse Qeveria e Kosovës do ta përkrahë një projekt të tillë.
“Diskutimet janë duke vazhduar, deri të dihet nëse qeveria e Kosovës do të mbështesë një propozim të tillë”, ka thënë një zëdhënës i Ambasadës.
Tutje thuhet se “siç ka deklaruar të premten ministrja Rizvanolli, Qeveria e Kosovës është ende duke e diskutuar dhe konsideruar projektin e propozuar që do ta ndihmonte Kosovën të lidhej me rrjetin ekzistues të gazit natyror në Maqedoninë e Veriut. Shumica e financimit, do të vijë nga fondet e BERZH dhe WBIF”.
Në fund potenconet se projekti i propozuar është një nga propozimet që po konsiderohet në mes të Qeverisë së Kosovës dhe MCC-së.
(Kosova Sot Online)
