Lexoni edhe:
“Pasha Zotin e kam vra”, çka i kishte thënë vëllait i akuzuari që vrau shokun për borxh
Kossev: Dy zyra u dogjën si pasojë e zjarrit në Komunën e Zubin Potokut, s’dihet arsyeja
Sot në orët e para të mëngjesit ka rënë zjarr në ndërtesën e Komunës së Zubin Potokut, dhe zjarrfikësit kanë dalë menjëherë në vendin e ngjarjes, shkruan Kossev, transmeton Express.
Kossev ka publikuar edhe disa pamje të marra nga “Zubin Potok INFO”, teksa shihet tym në derën e përparme të ndërtesës.
Ndërkohë se ka pasur zjarr për Kossev e ka konfirmuar edhe komandanti i zjarrfikësve në Zubin Potok, Sasha Bozhoviq.
Ai ka treguar se zjarri ka përfshirë dy zyra në ndërtesën e komunës , dhe në kohën e zjarrit s’ka pasur asnjë person brenda.
Siç shkruan Kossev, zjarri është shuar rreth orës dy e gjysmë të mëngjesit.
Bozhoviq ka thënë se nuk mund të konfirmojë se cili mund të jetë shkaku i zjarrit, duke potencuar se një gjë e tillë do të përcaktohet nga personat kompetent
(Kosova Sot Online)
