Lexoni edhe:
Pandora Papers, Tony Blair kurseu 312 mijë funte pasi nuk e pagoi taksën e pullës
Kush është miliarderi që humbi jetën bashkë me familjen nga rrëzimi i avionit
Një avion privat ra mbi një ndërtesë këtë të diel në San Donato Milanese të Milanos. Të gjithë personat që ndodheshin në bord humbën jetën. Piloti dhe ndihmësi i tij, 5 persona të rritur dhe një fëmijë. Sipas mediave italiane, të 8 viktimat janë të huaj.
Avioni pati një përplasje të fuqishme në tarracën e ndërtesës.
Ai ishte nisur nga Linate dhe udhëtonte drejt Olbia të Sardenjës. Avioni ra mbi një ndërtesë bosh, e cila ishte nën rikonstruksion dhe që shërbente për zyra dhe një parking për autobusë.
Banorët e zonës dëgjuan fillimisht një zhurmë të fortë e më pas një shpërthim, si pasojë e përplasjes. Flakët përfshinë menjëherë.
Por kush janë viktimat?
Piloti i avionit ishte 68-vjeçari rumun Dan Petrescu, i cili ishte po ashtu pronar i mjetit të blerë në 2015.
Ai konsiderohej si një prej personave më të pasur në Rumani, pronar supermarketesh dhe galerish tregtare (Metro dhe Real).
68-vjeçari kishte dy shtetësi, rumune dhe gjermane.
Partner i Ion Tiriac, asetet e së cilës përllogariten të jenë rreth 3 miliardë euro, Petrescu ishte shpërngulur në Gjermani për t’i shpëtuar regjimit të Nicolae Ceausescu, për t’u rikthyer në vendlindje pas vitit 1989.
Po ashtu, në mesin e viktimave është edhe bashkëshortja e tij 65-vjeçare, e lindur në Rumani dhe me shtetësi franceze, si dhe djali i tyre 30-vjeçar, Dan Stefan Petrescu, i lindur në Mynih, gjithashtu me dy shtetësi.
(Kosova Sot Online)
