Rusia përsëri shënon rekord të viktimave nga Covid-19

  • G.G /
  • 06 tetor 2021 - 13:04
Rusia përsëri shënon rekord të viktimave nga Covid-19

Rusia të mërkurën raportoi 929 viktima të sëmundjes Covid-19 për 24 orë, shifër rekorde që nga fillimi i pandemisë.

Ky shtet po përballet me shkallë të lartë infeksionesh, të shkaktuar nga përhapja e variantit Delta dhe shkalla e ulët e vaksinimit, shkruan France24.

Ndryshe, Rusia ka shënuar rekord të shifrës ditore të viktimave të koronavirusit disa herë në javët e fundit.

Rusia dallohet për shkallën e ulët të vaksinimit. Më pak se 30 për qind e të rriturve në këtë shtet e kanë marrë vaksinën.

Një shtet tjetër, Polonia, ka shënuar rritje të numrit të infeksioneve për rreth 70 për qind vetëm për një javë. Zëvendësministri polak i Shëndetësisë tha se kjo është dritë e kuqe për vendin.

(Kosova Sot Online)