Ish-këshilltari i Trumpit tregon pse Bideni përdor dhoma artificiale

  • G.G /
  • 07 October 2021 - 10:06
Ish-këshilltari i Trumpit tregon pse Bideni përdor dhoma artificiale

Ish-këshilltari i ish-presidentit Trump, Stephen Miller, ka treguar pse presidenti i tanishëm i Shteteve të Bashkuara, Joe Biden, përdor pamje artificiale në prapavijë gjatë disa paraqitjeve publike.

“Arsyeja pse Biden e përdor këtë set të çuditshëm pamor për takimet televizive – e jo ndonjë dhomë të vërtetë si Dhoma Lindore, Kabineti, Zyra Ovale, Dhoma Roosevelt, Dhoma e Uljes, etj. – është sepse ia mundëson atij leximin e skriptës drejtpërdrejt nga një ekran”, shkroi Miller në rrjetet sociale.

Pamjet artificiale dhe hapësira që shfaqet në disa paraqitje të presidentit amerikan nuk ndodhen fare në Shtëpinë e Bardhë, por në një objekt tjetër afër saj. Këto pamje janë paraqitur edhe kur presidenti e mori dozën e tretë të vaksinës së kompanisë “Pfizer”, shkruan Fox News.

Pas publikimit të pamjeve artificiale, shumë amerikanë komentuan në internet. Gazetarja Kimberly Morin shkroi: “A e lejojnë atë (Bidenin) në Shtëpinë e Bardhë të vërtetë?”

Sallën me pamje artificiale janë parë duke e përdorur edhe ambasadorja e ShBA-së në Kombet e Bashkuara, Linda Thomas-Greenfield, sekretari i Shtetit, Antony Blinken, dhe sekretarja e Thesarit, Janet Yellen.

https://twitter.com/StephenM/status/1445852795513360385?ref_src=twsrc%5Etfw%7Ctwcamp%5Etweetembed%7Ctwterm%5E1445852795513360385%7Ctwgr%5E%7Ctwcon%5Es1_&ref_url=https%3A%2F%2Fwww.gazetaexpress.com%2Fish-keshilltari-i-trumpit-tregon-pse-bideni-perdor-dhoma-artificiale%2F

(Kosova Sot Online)