Prokuroria Speciale akuzon një person për korrupsion, krim të organizuar e dy vepra tjera

  • G.G /
  • 08 tetor 2021 - 13:48
Prokuroria Speciale akuzon një person për korrupsion, krim të organizuar e dy vepra tjera

Prokuroria Speciale e Republikës së Kosovës (PSRK), të premten, ka ngritur aktakuzë kundër të pandehurit me inicialet V.N., për katër vepra penale.

Lajmi u bë i ditur përmes një komunikate për media, ku thuhet se aktakuza është ngritur në Departamentin Special të Gjykatës Themelore në Prishtinë.

“Prokuroria njofton se i pandehuri V.N., akuzohet për veprat penale “Krim i organizuar”, neni 274 paragrafi 1,2 dhe 3 të Kodit Penal të Kosovës, të zbatueshëm deri me datën 31.12.2012, gjithashtu i paraparë me nenin 283, paragrafi 1 dhe 2 të Kodit Penal të Kosovës, i zbatueshëm nga data 01.01.2013, “Mashtrimi” (Vepra penale në bashkim dhe në vazhdimësi), në bashkëkryerje, në kundërshtim me nenet 23, 71 dhe 261 (2) të Kodit Penal të Kosovës, të zbatueshëm deri me 31 dhjetor 2012, të paraparë edhe në nenet 31, 81 dhe 335 (5) të Kodit të ri Penal të Kosovës, në fuqi nga data 1 janar 2013, “Falsifikim i dokumenteve zyrtarë” neni 348 të KPK-ës, siç parashihet me nenin 434 të Kodit të Ri Penal të Kosovës, të zbatueshëm nga data 01.01.2013, “Shpëlarja e Parave”, në shkelje të Rregullores së UNMIK-ut, Nr. 2004/2, mbi pengimin e pastrimit të parave dhe veprave të ngjashme penale, nga neni 32, paragrafi 1 i Ligjit nr. 03/L-96, mbi Parandalimin e Shpëlarje së Parave dhe Financimin e Terrorizmit, siç parashihet me nenin 308 të Kodit të Ri Penal të Kosovës, të zbatueshëm nga data 01.01.2013.”, thuhet në komunikatë.

(Kosova Sot Online)