Lexoni edhe:
Pogba alarmon Manchester Unitedin: “Flasim në fund të sezonit”
Pamje dramatike nga spitalet në Rumani, ku vaksinimi është i ulët
Rumania, shtet me rreth 19 milionë banorë, e ka shkallën e dytë më të ulët të vaksinimit kundër Covid-19 në BE, me vetëm 34 për qind të të rriturve të vaksinuar plotësisht, në krahasim me mesataren e BE-së prej 74 për qind.
Radio “Evropa e Lirë” sjell pamje nga repartet e kujdesit intensiv, ku po trajtohen pacientët me Covid-19 në shtetin e Evropës Lindore. Mjekët thonë se shumica e pacientëve janë të pavaksinuar. “Është shumë e qartë se spitalet dhe njësitë emergjente janë të sulmuara, të stërngarkuara nga pacientët me Covid-19”, tha shefi i vaksinimit në Rumani, Valeriu Gheorghita, duke shtuar se rritja e numrit të pacientëve i lë anash nevojat tjera për kujdes shëndetësor.
Elisabeta Balaita, punëtore shëndetësore në repartin e kujdesit intensiv në një spital rumun, thotë: “Nga këndvështrimi im, janë dy momente jashtëzakonisht të vështira. Shkon në shtëpi dhe kurrë s’e harron shikimin e atij personi që po dështon në respirator, që të shikon në sy dhe s’mund të marrë frymë, është një shikim që nuk e harron.”
“Momenti i dytë, shumë i vështirë, është kur duhet të bësh telefonatë dhe t’i tregosh familjes se nuk ishte e mundur”, shtoi ajo.
Numri i rasteve ditore ka “shpërthyer” gjatë javës së kaluar, duke arritur në nivel rekord prej më shumë se 15.000 rastesh e mbi 300 të vdekurish në ditë.
Rumania ka kërkuar ndihmë nga Mekanizmi për Mbrojtje Civile i Bashkimit Evropian. Presidenti i Rumanisë, Klaus Iohannis, zhvillimet e javës i quajti “katastrofë”.
blob:https://www.rferl.org/992820a5-637c-487f-824f-8e5b64bf3248
(Kosova Sot Online )
