Lexoni edhe:
Makina përplas fuqishëm të moshuarën, shoferi largohet nga vendi i ngjarjes
Amerikania lind binjakë për herë të tretë – 6 fëmijë për 5 vjet
Një nënë në Shtetet e Bashkuara ka lindur binjakë për herë të tretë, që do të thotë se ka lindur gjashtë fëmijë për pesë vjet.
Jolene Mckee, 32 vjeçe, dhe burri i saj, Andrew, 33 vjeç, nga Nju Jorku tashmë kanë familje 8-anëtarëshe, pasi i mirëpritën binjakët Aiden dhe Jaiden, që tashmë kanë mbushur tre muaj jetë, shkruan Daily Mail.
Çifti ka fëmijët Peyton dhe Paige, 5 vjeçe, Abigail dhe Andrew, 3 vjeç dhe Aiden e Jaiden, 3-muajsh. Të gjithë fëmijët janë binjakë joidentikë.
“Kurrë nuk e kam paramenduar veten me një familje të madhe. Kam menduar se do të kem një ose dy fëmijë, por është vërtet bekim që kam gjashtë fëmijë nga vetëm tri shtatzëni”, tha nëna e tyre.
“Kur mësova se isha shtatzënë me binjakë për herë të tretë, e pranova plotësisht se kjo është gjëja për të cilën qenkam caktuar”, shtoi ajo.
“Ndihem me shumë fat që i kemi të trija kombinimet: dy vajza binjake, një vajzë e një djal binjakë si dhe tash dy djem binjakë. Funksionoi në mënyrë të përsosur”, tha më tej nëna e veçantë.
(Kosova Sot Online)
