Kim Jong-un në tapet të kuq me sandale, analistët spekulojnë se çfarë do të thotë kjo

Udhëheqësi i Koresë së Veriut, Kim Jong-un ra në sy të vëzhguesve ndërkombëtarë dje gjatë një fjalimi që shënoi përvjetorin e themelimit të partisë në pushtet, por jo për shkak të fjalëve të tij, por për shkak të zgjedhjes së mbathjeve.

Kim eci në tapetin e kuq në sallën e harlisur me sandale të zeza me shkëlqim mbi çorape të zeza për ta plotësuar kostumin e tij të errët, kravatën dhe syzet me gjysmë kornizë, sipas pamjeve të publikuara nga media shtetërore sot. 

Colin Zwirko, korrespondent i lartë analitik për NK News me qendër në Seul, vuri re këpucët e Kim dhe tha se nuk është e qartë pse ai vendosi të mbante sandale dhe nëse i kishte mbathur ato më parë. 

Ciladoqoftë arsyeja, Kim duket se po ndërmerr hapa kohët e fundit për ta mbrojtur shëndetin dhe komoditetin e tij, tha ai. 

(Kosova Sot Online)