SHBA pritet të rikthehet në Këshillin e diskutueshëm të OKB -së për të drejtat e njeriut

  • A.P /
  • 14 tetor 2021 - 20:27
SHBA pritet të rikthehet në Këshillin e diskutueshëm të OKB -së për të drejtat e njeriut

Shtetet e Bashkuara do të rikthehen në Këshillin e OKB-së për të Drejtat e Njeriut, pasi u tërhoqën nga ky organizëm i diskutueshëm gjatë administratës së ish-presidentit Donald Trump në vitin 2018.

Të enjten, Asambleja e Përgjithshme e OKB-së do të votojë për 18 anëtarë të rinj që pritet t’i bashkohen këshillit prej 47 anëtarësh. Shtetet e Bashkuara janë ndër kandidatët që kanë nevojë për një shumicë të thjeshtë votash në mënyrë që të sigurojnë një vend në këtë këshill. Asnjë nga shtetet nuk përballet me ndonjë konkurrencë brenda rajoneve që përfaqësojnë, çka i bën rezultatet kryesisht të paracaktuara.

Mes shteteve që kandidojnë për një vend në këtë këshill janë Argjentina, India, Lituania, Katari dhe Somalia. Disa prej kandidatëve janë më të diskutueshëm se të tjerët për shkak të historisë së tyre me respektimin e të drejtave të njeriut.

(Kosova Sot Online)