Komuna me daljen më të madhe të qytetarëve në votime

  • E.K /
  • 17 tetor 2021 - 15:29
Komuna me daljen më të madhe të qytetarëve në votime

Komunat me shumicë serbe vazhdojnë të kenë përqindje më të madhe të qytetarëve që po shfrytëzojnë të drejtën por votim.

Komuna e Zveçanit radhitet e para me daljen më të madhe të qytetarëve në votime.

56,91 për qind apo 3 mijë e 915 e qytetarëve kanë votuar deri tani në këtë komunë.

Ndërsa, pas saj për numrin më të madh të qytetarëve që kanë dal për të votuar radhitet Mitrovica Veriore me 55,03 për qind apo 9 mijë e 751 qytetarë që kanë shfrytëzuar të drejtën e tyre.

Edhe komunat tjera me shumicë serbe kryesojnë për numrin më të madh të qytetarëve.

Në komunën e Zubin Potokut kanë votuar 44,53 për qind apo 2 mijë e 869 qytetarë.

Në Shtërpcë kanë votuar 42,43 për qind apo 5 mijë e 266 qytetarë.

Në Kllokot kanë votuar 39,67 apo 1 mijë e 92 qytetarë, në Partesh 36,30 apo 1 mijë e 662 qytetarë, ndërsa në Ranillug 40,68 për qind apo 1 mijë e 987 qytetarë.

(Kosova Sot Online)