U.d ministrja e Shëndetësisë diskuton me Ambasadorin e Italisë për pandeminë

  • G.G /
  • 26 tetor 2021 - 12:56
U.d ministrja e Shëndetësisë diskuton me Ambasadorin e Italisë për pandeminë

U. d. Ministrja e Shëndetësisë, Dafina Gexha Bunjaku ka pritur sot në takim njoftues Ambasadorin e Republikës së Italisë në Kosovë,  Antonello De Riu.

Sipas Ministrisë së Shëndetësisë, në këtë takim është biseduar për pandeminë COVID-19, procesin e vaksinimit dhe mbështetjen që Kosovës i kanë dhënë partnerët ndërkombëtarë në ballafaqimin me sfidën e pandemisë.

Në këtë drejtim, Ministrja Gexha Bunjaku ka falënderuar shtetin e Italisë për mbështetjen konkrete që i ka ofruar sistemit shëndetësor në Kosovë në vazhdimësi.

Ministrja Gexha Bunjaku dhe Ambasadori De Riu janë pajtuar për fuqizimin e projekteve të përbashkëta në shëndetësi dhe, gjithashtu, kanë theksuar rëndësinë e vaksinimit dhe zbatimin e masave kundër COVID-19 me qëllim të ruajtjes së shëndetit publik.

(Kosova Sot Online)