Lexoni edhe:
Pas denoncimit dhe fillimit të hetimit për mega skandalin e Ndërmarrjes Publike Banesore të hapen një nga një dosjet e lidhjes kriminale të Shpend Ahmetit me mafien e ndërtimeve
“122 mjek kanë lëshuar Kosovën këtë vit”, punëtorët shëndetësorë i heqin mantilat para Qeverisë së Kosovës
Punëtorët shëndetësorë kanë protestuar sot para Qeverisë së Kosovës me kërkesën për implementimin e Ligjit për Paga. Gjatë protestës u tha se 122 mjek kanë lëshuar Kosovën vetëm në 8 muajt e parë të këtij viti, derisa u paralajmëruan edhe largime tjera nga vendi.
Punëtorët shëndetësorë kanë hedhur mantilat e tyre pranë objektit të Qeverisë së Kosovës për shkak të pakënaqësive të tyre në lidhje me mosimplementimin e Ligjit të Pagave.
Me këtë rast, kryetari i Federatës së Sindikatave të Shëndetësisë së Kosovës, Blerim Syla ka treguar se vetëm në 8 muajt e parë të këtij viti 122 mjek kanë lëshuar vendin dhe se deri tani kanë ikur edhe qindra infermierë.
Ai ka thënë se në këto kushte punëtorët shëndetësorë do të largohen nga sistemi publik dhe do të punojnë në klinikat private.
“Kanë ikuar me qindra e qindra infermierë, statistikat e të cilëve ne s’po mundemi me i marrë për shkaqe të ndryshme. Mosha mesatare zoti kryeministër e mjekut në QKMF është 57 vjeçare. Zoti kryeministër, pas 10 vjetëve pensionohen 1 mijë e 200 specialistë dhe zoti kryeministër po ju pyes juve se kush do ta shërojë këtë popullatë. Zoti kryeministër reflektoni, ruani sistemin publik për të cilin edhe jeni zotëruar dhe e keni në program të qeverisë dhe mos e shkatërroni atë. Nuk do të ketë largim të punëtorëve shëndetësorë vetëm jashtë Kosovës, por ata do të dynden jashtë sistemit publik dhe do të shkojnë në privat. E kush e paguan këtë, këtë e paguar popullata e thjeshtë e cila nuk ka pare me u shëru”, ka thënë syla.
Ai është shprehur se nga java e ardhshme do të mund të ketë edhe bllokim të sistemit shëndetësorë.
“Ne siç po e shihni sot jemi mbledhur përsëri këtu para qeverisë që t’i shpalosim hallet tona sa i përket gjendjes sociale të punëtorëve shëndetësorë. Siç e dini kohë më parë ne e bëmë një protestë simbolike me shpresën e vetme që presidentja dhe kryeministri do të reflektojnë dhe të paktën të na ftojnë edhe neve në bisedime sa i përket ligjeve që kanë të bëjnë me mirëqenien e mbarë popullatës. Ne sot kemi dal t’i themi stop kësaj jotransparence dhe kemi dal t’i lajmërojmë se nëse jo ligji i Pagave nuk shkon sivjet, kjo protestë tani më do të kthehet edhe në reagime më të ashpra sindikale. Unë kam nderin dhe kënaqësinë se nuk do ta përfundoj me kaq”, ka deklaruar ai.
(Kosova Sot Online)
