Ky është i dyshuari që e ngacmoi ambasadoren e Luksemburgut në Kosovë

G.G /
12 November 2021 - 10:35

Prokuroria Themelore e Prishtinës ka njoftuar se ka ndaluar në kohëzgjatje prej 48 orësh një person , pasi që i njëjti kishte ngacmuar Ambasadoren e Luksemburgut në Kosovë, Natacha Gomes.

Sinjali mëson se i dyshuari është Enes Hajrullahu.

Ai dyshohet se e ngacmoi ambasadoren Natacha Gomes, gjatë qarkullimit në trafikun rrugor në Prishtinë, duke shfaqur sjellje të padëshirueshme të ngacmimit.

Prokuroria Themelore në Prishtinë, Departamenti i Përgjithshëm, me aktvendim të prokurorit të shtetit ka ndaluar në kohëzgjatje prej 48 orësh personin me inicialet E.H., pasi i njëjti dyshohet se ka kryer veprën penale “Ngacmimi”, nga neni 182 të Kodit Penal të Republikës së Kosovës.

I dyshuari i lartcekur, më 10.11.2021, gjatë qarkullimit në trafikun rrugor në Prishtinë, ka shfaqur sjellje të padëshirueshme të ngacmimit ndaj Ambasadores së Luksemburgut në Kosovë.

Ndaj të njëjtit, do të ndërmerren veprime të mëtejme procedurale.

(Kosova Sot Online)