Shehu i LDK-së: Nga sot Komuna e Junikut po ju kthehet junikasve

Kandidati i LDK-së për kryetar të Junikut, Ruzhdi Shehu e ka shpallur fitoren e tij në Junik.

Ai ka shkruar se do të jetë kryetar i të gjithë qytetarëve të Junikut.

“Nga sot Komuna e Junikut po ju kthehet junikasve ndërsa unë Ruzhdi Shehu do të jem kryetar i të gjithë qytetarëve të Junikut pa përjashtim. Programi ynë do të zbatohet deri në fund siç kemi premtuar ndërsa Junikut do i’a kthejmë dinjitetin pas 12 viteve”, ka shkruar ai.

Lexoni edhe:

Lajm i mirë: Bie edhe më shumë numri i rasteve të reja me COVID në Kosovë

Postimi i plotë:

Të dashur junikas,

Fillimisht faleminderit secilit junikas për një proces zgjedhor të rregullt dhe demokratik, siç i ka hije Junikut. Nga rezultatet preliminare rezulton se koalicioni LDK-VV në Junik është fituese e këtyre zgjedhjeve.
Sot u konfirmua që për Junikun vendosin vetëm junikasit. Prandaj urime fitorja të gjithë qytetarëve të Junikut.
Nga sot Komuna e Junikut po ju kthehet junikasve ndërsa unë Ruzhdi Shehu do të jem kryetar i të gjithë qytetarëve të Junikut pa përjashtim. Programi ynë do të zbatohet deri në fund siç kemi premtuar ndërsa Junikut do i’a kthejmë dinjitetin pas 12 viteve.
Zoti e bekoftë Junikun dhe të gjithë junikasit pa dallim.
R.Sh

(Kosova Sot Online)