Po hetohet “Besa Trans”, Policia hyn në ambientet e kompanisë së autobusëve

Policët maqedonas kanë hyrë në ambientet e kompanisë “Besa Trans” në Shkup, për shkak të aksidentimit të autobusit të saj në Bullgari, ku humbën jetën rreth 46 persona.

Kompania aktualisht është e mbyllur dhe sipas gazetës bullgare Trud, pronari i kompanisë së autobusëve është shqiptari Azdren Ziberi.

Sipas informacioneve jozyrtare, Besa Trans kishte zyra edhe në Kyustendil të Bullgarisë.

Autobusi me 53 pasagjerë udhëtonte në autostradën e Strumës nga Sofja për në Bllagoevgrad në jugperëndim të vendit. Aksidenti ka ndodhur në dalje për në qytetin Bosnek, rreth 40 kilometra në jug të Sofjes, sipas televizionit BTV.

Ende nuk dihen shkaqet e aksidentit, por dyshohet se bëhet fjalë për mosfunksionim të autobusit apo gabim njerëzor.

https://www.youtube.com/watch?v=NQnjERj8jPE

(Kosova Sot Online)