Shefi i Zyrës së BE-së në Kosovë dënon ashpër incidentet ndaj komuniteteve pakicë

Shefi i Zyrës së BE-së në Kosovë, Tomas Szunyog ka dënuar ashpër incidentet ku pjesëtarë të komuniteteve janë diskriminuar në baza etnike në Gjakovë e Prizren.

Përmes një postimi në Tëitter, ambasadori i BE-së ka bërë thirrje për tolerancë dhe ka kërkuar nga autoritetet që të ndërmarrin aksione lidhur me këtë çështje.

Lexoni edhe:

Detaje të reja nga aksidenti tragjik/ Pasagjerët u hodhën nga dritaret për t’i shpëtuar flakëve

“Zyra e BE-së në Kosovë dënon ashpër incidentet e fundit në Gjakovë dhe Prizren, që përfshin diskriminimin publik, keqtrajtimin dhe sjelljen jotolerante ndaj pjesëtarëve të komunitetit pakicë. Bëjmë thirrje për respekt, tolerancë dhe paqe, dhe inkurajojmë fuqishëm autoritetet e Kosovës që të ndërmarrin masa ligjore”, thuhet në postim.

Ministri i Administrimit të Pushtetit Lokal, Elbert Krasniqi, ka ngitur shqetësimin se pjesëtarët e komuniteteve pakicë në Kosovë po refuzohen të shërbehen në disa lokale të gastronomisë në vend. Ai është informuar se një rast i tillë ka ndodhur të shtunën mbrëma në një lokal në Gjakovë.

@EUKosovo strongly condemns recent incidents in Gjakove/Đakovica & Prizren involving public discrimination, mistreatment & intolerant behaviour of non-majority community members. We call for respect, tolerance & peace & strongly encourage Kosovo authorities to take legal actions.

— European Union Kosovo (@EUKosovo) November 23, 2021

(Kosova Sot Online)