Suedia do të drejtohet për herë të parë nga një grua, Magdalena Andersson zgjidhet kryeministre

  • A.P /
  • 24 nëntor 2021 - 16:29
Suedia do të drejtohet për herë të parë nga një grua, Magdalena Andersson zgjidhet kryeministre

Magdalena Andersson është zgjedhur nga parlamenti i Suedisë si kryeministrja e parë femër e vendit. Ajo zëvendëson në detyrë Stefan Lofven, socialdemokratin e qendrës së majtë.

Suedia është i vetmi vend nordik që nuk ka zgjedhur kurrë më parë një grua si udhëheqëse kombëtare. 100 vjet pasi grave suedeze iu dha vota, liderja 54-vjeçare socialdemokrate u duartrokit pas zgjedhjes nga deputetët e parlamentit suedez.

Ajo siguroi gjithashtu mbështetjen e partnerit të koalicionit, të Gjelbërve, si dhe të partisë së Qendrës. Një ish-kampione noti për të rinj nga qyteti Uppsala, ajo filloi karrierën e saj politike në 1996 si këshilltare politike e kryeministrit të atëhershëm Goran Persson. Ajo ka kaluar shtatë vitet e fundit si ministre e financave.

(Kosova Sot Online)