“Më është bërë fiksim çdo grumbull dheu”, rrëfimi i suharekasit për nënën dhe 4 motrat e zhdukura
Edhe 20 vjet pas Luftës në Kosovë mijëra fate njerëzish, që konsiderohen persona të zhdukur, janë ende të pazbardhura.
Bekim Gashi nga fshati Tërrnje e Suharekës ka vetëm fotografitë e nënës dhe katër motrave që konsiderohen ende të zhdukura.
‘Tani mu ka fiksuar ajo që çdo gropë që shoh them sikur të kisha fuqi ta hap dhe të shoh a janë ato aty”, thotë ai për DW.
“Tash e 22 vjet unë shkoj të fle dhe zgjohem me mendjen se kur do t’i kthejnë se ende nuk i kam gjetur”, shton ai.
Një ekspozitë me titullin “Më mirë ish varri sesa mos me ditë” tërheq vëmendjen për këtë plagë ende të hapur për familjarët.
(Kosova Sot Online)