Lexoni edhe:
Ngrica dhe mot i vranët, këto janë temperaturat sot
Gjashtë ditë nga vrasja e trefishtë në Gllogjan, ende asnjë i arrestuar
Sot janë bërë gjashtë ditë nga tragjedia e Gllogjanit që tronditi Kosovën. Tre të vrarë, në mesin e tyre dy nxënës, ishte bilanci tragjik pasditen e të premtes kur një person ende i paidentifikuar nga organet e rendit, shkrepi shkrepur plumba në drejtim të autobusit të kompanisë “Erblini Tours”.
Pavarësisht mobilizimit të madh dhe premtimeve të fuqishme nga institucionet e drejtësisë për kapjen e autorit, ende nuk ka asnjë të arrestuar për këtë rast.
Madje deri më tani Policia e Kosovës nuk ka konfirmuar që ka edhe të dyshuar për këtë akt.
Ministri i Punëve të Brendshme, Xhelal Sveçla në deklarimin e fundit për këtë rast i kishte bërë thirrje dorasit që të dorëzohet.
Ndërkaq, drejtori i Policisë së Kosovës, Samedin Mehmeti kishte thënë se moti i ligë i ka penguar për gjetjen e gjurmëve për këtë rast.
“Jemi duke u përballur me një numër të konsiderueshëm të informacioneve rreth rastit dhe kemi sjell njësi shtesë dhe ekspertë të ndryshëm të niveleve hetimore dhe operative” kishte thënë Mehmeti.
Për kapjen sa më të shpejt të autorit, Qeveria e Kosovës ka ofruar para pak ditësh 20 mijë euro për personin që jep informacione.
Por, ajo që është faktike është se pas gjitha tentimeve e premtimeve, Policia e Kosovës ende nuk ka arritur të kap autorin e vrasjes dhe pesë ditë pas aktit tronditës, ende nuk ka as të dyshuar për këtë rast.
(Kosova Sot Online)
