Luftëtarët e UFC stërviten kundër Trupave të Marinës amerikane

Luftëtarët e arteve marciale të përziera (MMA) janë disa nga individët më të ashpër në botë. Ata konkurrojnë në ndeshje luftarake pa pengesa ku shpesh përfundojnë të rrahur, të gjakosur dhe të mavijosur. Të konkurrosh si një luftëtar MMA kërkon stërvitje intensive në forma të shumta e të ndryshme luftimi, një sjellje të patrembur në ring dhe një dëshirë të pashembullt për të fituar.

Por as disa nga luftëtarët më të mirë MMA në botë nuk mund të krahasohen me më të mirët e Amerikës.

Në një seri me tri pjesë të postuar në YouTube, një pjesë e vogël e luftëtarëve MMA nga UFC iu bashkuan Qendrës së Përsosmërisë së Arteve Marciale të Trupave të Marinës së Shteteve të Bashkuara për të parë se çfarë nevojitet për të qenë pjesë e forcës më elitare luftarake në botë.

Burrat nga UFC që merrnin pjesë në sfidë nguteshin për të nënvlerësuar se sa i vështirë do të ishte trajnimi i Marinës.

“Unë di shumë pak për Trupat e Marinës. Mendoj se do të jetë mirë, do të jetë interesante. Jam i emocionuar”, thotë një nga luftëtarët profesionistë.

(Kosova Sot Online)