Arrestohet një 51-vjeçar në Ferizaj, kanosi dy persona të tjerë

  • A.P /
  • 08 dhjetor 2021 - 16:30
Arrestohet një 51-vjeçar në Ferizaj, kanosi dy persona të tjerë

Policia e Kosovës ka arrestuar një 51 vjeçar në Ferizaj pasi i njëjti ka kanosur dy persona të tjerë.

I njëjti me vendim të prokurorit është dërguar në mbajtje për 48 orë.

“Me datën 08.12.2021 rreth orës 15:00, pas një pune hetimore policët hetues kanë arrestuar personin e dyshuar me inicialet L.A (M/K) 51 vjeçar, i cili kishte kanosur dy persona tjerë me inicialet S.M ( M/K) 31 vjeçar dhe K.M ( M/K) 22 vjeçar”, thuhet në njoftim.

Njoftimi i plotë:

Arrestohet një person për kanosje

Stacioni policor në Ferizaj nga Drejtoria Rajonale e Policisë në Ferizaj,  me datën 31.10.2021 kishte pranuar një informacion se në fshatin  Gërlicë të Ferizajt ishte një rast i kanosjes.

Në lidhje me këtë, policia ka marr veprimet e nevojshme dhe këtë rast ishte duke e hetuar Njësia e Hetimeve nga stacioni policor në Ferizaj .

Ndërsa sot, me datën 08.12.2021 rreth orës 15:00, pas një pune hetimore policët hetues kanë arrestuar personin e dyshuar me inicialet L.A (M/K) 51 vjeçar, i cili kishte kanosur dy persona tjerë me inicialet S.M ( M/K) 31 vjeçar dhe K.M ( M/K) 22 vjeçar.

I dyshuari është shoqëruar në stacionin policor në Ferizaj  dhe pas intervistimit nga ana e policisë, me vendim të Prokurorit të Prokurorisë Themelore në Ferizaj, i njëjti është dërguar në mbajtje për 48 orë për procedura të mëtejme hetimore.

(Kosova Sot Online)