Edita Tahiri tregon pse fusnota nuk u shkri deri sot
Ish-diplomatja Edita Tahiri, ka shpjeguar se pse nuk u “shkri” ende fusnota e Republikës së Kosovës.
Kryeministri i Kosovës, Albin Kurti, u prezantua në një konferencë ndërkombëtare me fusnotë në emrin e Kosovës para disa javëve, ngjarje që e riaktualizoi çështjen e fusnotës.
Tahiri kishte thënë para shumë viteve që “fusnota do të shkrihet”. E pyetur rreth kësaj deklarate në emision, ajo tha që është dashur ta njohin 5 shtetet e BE-së Kosovën që të “shkrihej” fusnota.
“Fusnota nuk u shkri, pasi që mosnjohja e 5 shteteve të BE-së ndaj Kosovës nuk u shkri”, tha ajo.
Tahiri i vuri fajin edhe politikës së jashtme të Kosovës që nuk bëri sa duhet që të largohen këto pengesa.
“Fusnota nuk u shkri sepse Kosova qëndroi 10 vjet në defensivë diplomatike”, tha ajo.
(Kosova Sot Online)